काठमाडौं, १० बैशाख । इन्डियन प्रिमियर लिग (आइपिएल) क्रिकेट अन्तर्गत सोमबार राति भएको खेलमा दिल्ली क्यापिटल्स विजयी भएको छ ।
नेपालका युवा क्रिकेटर सन्दीप लामिछाने बिना खेलेको दिल्लीले जयपुरमा भएको खेलमा राजस्थान रोयल्सलाई ६ विकेटले हराएको हो । राजस्थानले प्रस्तुत गरेको १९२ रनको लक्ष्य दिल्लीले चार बल बाँकी हुँदा चार विकेटको क्षतिमा भेट्टाएको हो । दिल्लीका लागि ऋषभ पन्तले ३६ बलमा ६ चौका र चार छक्काको सहयोगमा नटआउट ७८ रन बनाए ।