काठमाडौं, ४ चैत । त्रिभुवन विमानस्थल कार्यालयले बन्द भइसकेका एयरलाइन्स, संस्था, सरकारी निकाय तथा व्यापारीबाट करिब साढे २ अर्ब ४७ करोड ९३ लाख असुल्न बाँकी रहेको विमानस्थलले जनाएको छ । यो रकम गत पुस मसान्तसम्मको हो । यो समाचार आजको कान्तिपुर दैनिकमा लेखेको छ ।
विमानस्थलको कर्पोरेट महाशाखाका उपप्रबन्धक हेमप्रसाद दाहालका अनुसार आन्तरिक र अन्तर्राष्ट्रिय टर्मिनलभित्र तथा बाहिर गरी ४२ व्यापारिक संस्था तथा ठेकेदार कम्पनीले पसललगायत व्यापारिक प्रयोजनका लागि स्थान भाडामा लिएका छन् । यीमध्ये २० वटाले काठमाडौँ र पाटन उच्च अदालतमा मुद्दा दायर गर्दै आन्तरिक आदेशको लाभ उठाउँदै आइरहेका छन् ।
सम्झौता अवधि सकिए पनि उनीहरुले १० वर्षदेखि व्यापार गर्दै आइरहेका छन् ।
