काठमाडौँ, १६ भदौ । पूर्वी अफगानिस्तानमा अमेरिकी सेनाको हवाई आक्रमणमा परि एकै परिवारका १३ जनाको मृत्यु भएको छ भने १५ जना घाइते भएका छन् ।
अमेरिकी सेनाले हवाई कारबाही भने पनि मारिएका एकै परिवार १३ जनामा प्राय महिला र बालबालिका रहेको एएफपीले जनाएको छ । अमेरिकी सुरक्षा बलले घटनाको अनुसन्धान भइरहेको जानकारी दिएका छन्।
काबुलनजिकै लोगार प्रान्तको दासत ए बारी गाउँमा भएको हवाई आक्रमणमा एक दर्जन भन्दा बढी आतंककारी मारिएको अफगान अधिकारीले दाबी गरेका छन्।
अफगानिस्तानमा यस वर्षको सुरुदेखि अहिलेसम्म भएका द्वन्द्वसँग सम्बन्धित हिंसामा एक हजार ६ सय ६२ व्यक्तिको मृत्यु भैसकेको छ भने तीन हजार ५ सय घाइते भएका छन् । यो संख्या गत वर्षको तुलनामाा २० प्रतिशतले बढी हो।
