काठमाडौं, १७ माघ । प्रधानमन्त्री केपी शर्मा ओलीले सरकारले मुलुकको समृद्धिको अभियानलाई दृढतापूर्वक अगाडि बढाई रहेको बताएका छन् ।
प्रधानमन्त्री ओलीले सरकारले मुलुकमा नयाँ–नयाँ कामको थालनी गरिरहेको र त्यसले एकपछि अर्को सफलता चूमिरहेको दावी गरे । बिहीबार नेपाल टेलिभिजनको ३४ औं वार्षिकोत्सवका अवसरमा उनले जनताको विकासको चाहनालाई तीव्रता दिन सरकारले नयाँ–नयाँ प्रविधिको विकासमा जोड दिएको उल्लेख गरे ।
प्रधानमन्त्री ओलीले सरकारले हरेक दिन एक कदम अघि बढने संकल्प लिएको उल्लेख गर्दै त्यसलाई सफलतापूर्वक अघि बढाउने दृढता पनि व्यक्त गरेका छन् । कार्यक्रममा संचार तथा सूचना प्रविधिमन्त्री गोकुल बास्कोटाले राजनीतिक कार्यकर्ताको रुपमा आउनेले नेपाल टेलिभिजनलाई गडबडी गर्ने गरेको उल्लेख गर्दै अव त्यस्ता गतिविधि हुन नदिने बताए ।
