काठमाडौं, ९ पुस । नेपाली राष्ट्रिय क्रिकेट टिमका कप्तान पारस खड्का अष्ट्रेलियामा आयोजना हुने ‘नेपाली क्रिकेटको प्रचारात्मक कार्यक्रम’मा सहभागी हुने भएका छन् ।
अष्ट्रेलियाका विभिन्न चार मुख्य सहरहरुमा आयोजना हुन लागेको सो कार्यक्रममा सहभागी हुन कप्तान खड्का, दिपेन्द्र सिंह ऐर र सुवास प्रधान सोमवार नै अष्ट्रेलिया प्रस्थान गर्न लागेका हुन् ।
‘एक्सपर्ट क्रिकेट फेष्टिबल’ नाम दिइएको सो कार्यक्रमबारे सोमबार काठमाडौंमा पत्रकार सम्मेलन गरी जानकारी गराइएको हो । कार्यक्रममा नेपाली राष्ट्रिय क्रिकेट टिमका कप्तान खड्काले सो खेल कार्यक्रमले नेपालको क्रिकेट खेलको विकासका लागि आवश्यक लगानी भित्र्याउन सघाउ पु-याउने विश्वास व्यक्त गरे ।
‘नेपाली क्रिकेटलाई विश्वभर प्रवद्र्धन गरौं’ भन्ने मूल नाराका साथ आयोजना हुने सो खेल कार्यक्रम अष्ट्रेलियाको सिडनी, मेलबर्न, ब्रिसबेन, एडीलेडमा आयोजना हुनेछ ।
