काठमाडौं, २१ मंसिर । अर्थमन्त्री डाक्टर युवराज खतिवडाले मुलुकको समृद्धि, विकास र सामाजिक न्यायको पक्षमा कलम चलाउन संचारकर्मीहरुलाई आग्रह गरेका छन् । शुक्रवार राजधनीमा आयोजित एक कार्यक्रममा अर्थमन्त्री खतिवडाले मुलुकमा आर्थिक अनुशासन कायम राख्ने वातावरण बनाउन संचारकर्मीहरुले पनि ध्यान केन्द्रित गर्नुपर्ने उल्लेख गरे ।
अर्थमन्त्री खतिवडाले नेपाली संचार क्षेत्र पछिल्लो समय जवाफदेही नदेखिएको भन्दै असन्तुष्टि व्यक्त गरे । उनले संचार क्षेत्रलाई जथाभावी कमल चलाउने छुट नरहेको दावी समेत गरे ।
अर्थमन्त्री खतिवडाले स्वच्छ पत्रकारिता पत्रकारहरुको धर्म भएको उल्लेख गर्दै त्यसका लागि सरकार आवश्यक सहयोग गर्न प्रतिवद्ध रहेको बताए ।
