काठमाडौं, २ मंसिर । सहिद स्मारक ए डिभिजन लिग अन्तर्गत आजको पहिलो खेलमा विभागिए टिम नेपाल पुलिस क्लव मच्छिन्द्रसँग गोलरहित बराबरीमा रोकिएको छ ।
सातदोबाटो स्थित एन्फा मैदानमा भएको खेलमा आक्रामक फुटबल खेलेको पुलिसले मछिन्द्र विरुद्ध गोल गर्न सकेन । पहिलो हाफमा पुलिसले तीन वटा राम्रो मौका पाएपनि मच्छिन्द्रका गोलकिपर दीप कार्की बाधक बने ।
पहिलो हाफ गोलरहित बराबरी भएको खेलको दोस्रो हाफमा पनि पुलिसले आफ्ना आक्रमक रणनितीलाई कायमै राखेको थियो तर पनि उसका हरप्रयासलाई मच्छिन्द्रले विफल पार्यो ।
एकपटक दिनेश राजवंशीको प्रहार पोष्ट माथिबाट बाहिरीयो । ८३ औं मिनेटमा मच्छिन्द्रको प्रहारलाई पुलिसका गोलकिपरले बचाए ।
जारी प्रतियोगितामा पुलिसको पहिलो बराबरी हो भने मच्छिन्द्रको दोस्रो बराबरी हो । बराबरीपछि पुलिसको दुई खेलबाट चार अंक भएको छ भने मच्छिन्द्रको दुई खेलबाट दुई अंक भएको छ ।
