काठमाडौं, २६ कात्तिक । बाराको जीतपुरसिमरा उपमहानरपालिका वडा नं. ७ स्थित जीतपुरमा रहेको शिवशक्ति घ्यू उद्योगको थर्मिकफ्लुड आयल हिटरमा आईतवार राती आगलागी भएको छ ।
विद्युत् सर्ट भएका कारण भएको आगलागीबाट थर्मिकफ्लुड आयल हिटर पूर्ण रुपमा जलेर नष्ट भएको छ । आगलागीवाट एक करोड रुपैयाँ मूल्य बराबरको क्षति भएको उद्योगले बताएको छ ।
ईलाका प्रहरी कार्यालय जीतपुरका प्रहरी नायव निरिक्षक रामउदय शर्माका अनुसार आईतवार राती करिब ८ बजेको समयमा सुरु भएको आगलागीलाई तीन घण्टाको प्रयास पछि नियन्त्रण लिईएको थियो । आगलागीवाट कुनै मानविय क्षति नभएको वारा प्रहरीले जनाएको छ ।
