कैलाली, ५ कात्तिक । कैलालीको धनगढी स्थित एनसीसी बैंकको छेउमा रहेको गणेशलक्ष्मी इन्टरप्राइजेज–जुत्ताको पसलमा सोमवार आगलागी भएको छ ।
आगलागीबाट लाखाैंको सामान जलेर नष्ट भएको छ । गणेशलक्ष्मी इन्टरप्राइजेजको माथिल्लो तलामा एक्कासी बिजुली सर्ट भएर आगलागी भएको जिल्ला प्रहरी कार्यालय कैलालीले जनाएको छ ।
नेपाल प्रहरी, शसस्त्र प्रहरी, नेपाली सेना र स्थानीय सहित धनगढी उपमहानगरपालिको दमकलले आगो नियन्त्रणमा लिएको थियो । आगलागीबाट क्षतीको पूर्ण विवरण नआईसकेको जिल्ला प्रहरी कार्यालय, कैलालीका प्रबक्ता हरिप्रसाद ओलीले भनाई छ ।
