काठमाडौं, ३० असोज । राष्ट्रिय मानव अधिकार आयोगको केन्द्रीय, प्रदेश तथा शाखा कार्यालयहरु दशैं, तिहार तथा छठ बिदामा खुल्ला हुने भएको छ ।
आयोगद्दारा जारी विज्ञप्तिमा पर्वका अवसरमा ११ बजे देखि २ बजेसम्म कार्यालय खुला रहने जनाइएको छ । नागरिकको मानव अधिकार संरक्षणको कार्यलाई ध्यानमा राखी बिदाका दिनमा उजुरी शाखा खुला राख्ने व्यवस्था मिलाएको आयोगले जनाएको छ ।
सो अवधिमा आयोगले मानव अधिकार उल्लङ्घन र ज्यादतीका उजुरीहरु लिने तथा आवश्यकता अनुसार गम्भीर प्रकृतिको घटनामा आकस्मिक अनुगमन गर्ने समेत जनाएको छ ।
