काठमाडौं, २६ असोज । मलेसियामा जारी आईसीसी विश्व टी-ट्वान्टी एसिया छनोट समूह ‘बी’ को अन्तिम खेलमा सिंगापुरले नेपाललाई जितका लागि ८२ रनको लक्ष्य दिएको छ ।
बायुमास ओभलमा टस हारेर पहिले ब्याटिङ गरेको सिंगापुर १७ ओभर ३ बलमा अलआउट हुँदै ८१ रनमा समेटियो । नेपालकालागि सन्दीप लामिछानेले मात्र ३.३ ओभरमा १६ रन खर्चेर ४ विकेट लिए । सोमपाल कामी र करण केसीले समान २-२ विकेट लिदा बसन्त रेग्मी र ललित नारायण राजवंशीे समान १ विकेट लिए ।
४ विकेट लिएका सन्दीपले नयाँ कीर्तिमान बनाएका छन् । उनले एकै प्रतियोगितामा २४ विकेट लिने पहिलो नेपाली बलर बनेका हुन् । यस अघि विनोद दास र बसन्त रेग्मीको नाममा समान २१ विकेट रहेको थियो ।
अहिले नेपाल जवाफी ब्याटिङ गर्दै छ ।
