काठमाडौँ, २३ असोज । चलचित्र कलाकार सङ्घका अध्यक्ष रामकेशर बोगटीको निधन भएको छ । घर नजिकै विजुलीको खम्बाले लागेर उनी गम्भीर घाइते भएका थिए । रुख काट्ने क्रममा रुखले लागेर बिजुलीको खम्बा ढलेको थियो । सोही खम्बाले लागेर उनी गम्भीर घाइते भएका हुन् ।
गम्भीर घाइते भएका बोगटीलाई तत्काल बि एण्ड बी अस्पताल लगिएको थियो । उनको सोही अस्पतालमा उपचारका क्रममा निधन भएको हो । उनको पार्थिव शरीर आजै पाटन अस्पतालमा पोष्टमार्टम गरिएको छ ।
अष्ट्रेलियामा रहँदै आएकी उनकी छोरीले बुबाको मुख हेर्ने अन्तिम इच्छा देखाएकाले उनको अत्येष्टी छोरी आएपछि गरिने छ ।
