एजेन्सी, ८ असोज । माल्दिभ्समा भएको राष्ट्रपति पदको निर्वाचनमा विपक्षी दलका नेता इब्राहिम मोहम्मद सोलिह विजयी भएका छन् ।
भारतको समर्थक मानिएका सोहिलले चीनको समर्थन रहेको मानिएका निवर्तमान राष्ट्रपति अब्दुला यामिनलाई पराजित गरेका हुन् । माल्दिभ्सको निर्वाचन आयोगका अनुसार सोहिलले ५८ दशमलव ३ प्रतिशत मत अर्थात १३ लाख ३ हजार ८ सय ८ मत प्राप्त गरेका छन् ।
सोलिहले बिपक्षी चार दलको साझा उम्मेदवारका रुपमा चुनाव लडेका थिए । आइतबार भएको निर्वाचनमा ८८ प्रतिशत मत खसेको थियो । मत गणना सुरु हुनु अघिसम्म वर्तमान राष्ट्रपति यामिनले चुनाव जित्ने अनुमान गरिएको थियो ।
