काठमाडौं, ६ भदौ । अष्ट्रेलियन एजुकेशन कन्सल्ट्यान्ट एलाइन्स एकाले राजधानीको दरवारमार्ग स्थित होटल अन्नपूर्णमा दोस्रो एजुकेशन फेयर मेला गर्ने भएको छ ।
बुधबार काठमाडौंमा अष्ट्रेलियन एजुकेशन कन्सल्ट्यान्ट एलाइन्स एकाले पत्रकार सम्मेलन गरी उच्च शिक्षा अध्ययन गर्न जाने विद्यार्थीहरुका लागि मध्यनजर गरेर मेलाको आयोजना गर्ने जनाएको छ ।
एकाले दोस्रो एजुकेशन फेयर भाद्र ८ र ९ गते राजधानीको दरवारमार्ग स्थित होटल अन्नपूर्णमा गर्ने भएको छ । मेलामा अष्ट्रेलियाका सात ओटा कलेज तथा २२ वटा शैक्षिक परामर्शदाताहरुको सहभागी सहित ३० वटा स्टल रहने छन् । अष्ट्रेलियन एजुकेशन कन्सल्ट्यान्ट एलाइन्स एकाका अध्यक्ष निरज श्रेष्ठले शैक्षिक मेला २ दिनसम्म हुने बताए ।
दोस्रो एजुकेशन फेयर मेलाले उच्च शिक्षा अध्ययनका लागि अष्ट्रेलिया जान चाहने विद्यार्थी र अभिभावकहरुका लागि ठूलो अवसर उपलब्ध हुने जनाएको छ ।
