एजेन्सी, ६ भदौ । १३ वर्षपछि पुरानै क्लब एभर्टनमा फर्केका वायन रुनीले इंग्लिस प्रिमियर लिगमा आफ्नो गोल संख्या दुई सय पुर्याएका छन् ।
रुनीले एभर्टनको घरेलु मैदानमा गएराति म्यानचेष्टर सिटीसँग भएको खेलमा गोल गरी प्रिमियर लिगमा आफ्नो गोल संख्या दुई सय पुर्याएका हुन् । प्रिमियर लिगमा दुई सय गोल गर्ने उनी दोस्रो खेलाडी हुन् । प्रिमियर लिगमा सबैभन्दा बढी गोल गर्ने खेलाडी एलन शियरर हुन् । उनको नाममा दुई सय ६० गोलको रेकर्ड छ । खेलमा सिटीका लागि रहिम स्टर्लिङले बराबरी गोल गरे ।
खेल बराबरी भएसँगै लिगमा दुवै टोलीको ४/४ अंक भएको छ ।
