काठमाडौं, १० असार । नेपाली सेनाका मेजर धिरेन्द्रजंग शाही लागूऔषध ब्राउन सुगरसहित पक्राउ परेका छन् । श्रीमेयर गण शम्सेरगञ्जमा कार्यरत मेजर शाहीलाई प्रहरीको विशेष टोलीले बाँकेको ढकेरीबाट पक्राउ गरेको हो ।
मेजर शाहीसँगै ब्राउन सुगर कारोबारी रिम पौडेल पनि पक्राउ परेका छन् । शाही र पौडेलको साथबाट ५४ ग्राम ब्राउन सुगर बरामद् गरेको प्रहरीले जनाएको छ । शाहीलाई आफ्नो हिरासतमा राखी थप अनुसन्धान गरिरहेको प्रहरीले जनाएको छ ।