काठमाडौं, १ असार । पोखराबाट काठमाडौं आउँदै गरेको माइक्रोबसलाई ट्रकले ठक्कर दिंदा तीन जनाको घटनास्थलमै मृत्यु भएको छ ।
पृथ्वी राजमार्गअन्र्तगत चितवनको इच्छाकामना गाउँपालिका–५ स्थित पानीधारामा ग १ ख ७६९२ नम्बरको माइक्रोबसलाई ना ६ ख ४०६४ नम्बरको ट्रकले आज विहान ठक्कर दिंदा माइक्रोमा सवार एक महिला र दुई पुरुषको मृत्यु भएको हो ।
दुर्घटनामा परी आठ जना घाइते भएका छन् । घाइतेमध्ये एक जनालाई काठमाडौं ल्याइएको छ भने सात जनाको भरतपुरस्थित अस्पतालमा उपचार भइरहेको छ ।