पाल्पा, १९ जेठ । पाल्पाको रम्भा- ४ हुमिनमा भएको बस दुर्घटनाका नौ मध्ये तीन घाइतेलाई थप उपचारका लागि हेलिकोप्टरबाट काठमाडौं पठाइएको छ । बाँकी पाँच जनाको तानसेनका अस्पतालमा उपचार भइरहेको छ ।
घाइतेहरु तानसेन नगरपालिका-३ का सान्तम बज्राचार्य, तानसेन-३ कै प्रवीण बज्राचार्य र चालक तानसेन-६ अर्जुन थापालाई काठमाडौं थप उपचारका लागि लगिएको हो । उनीहरुलाई गृहमन्त्रालयको समन्वयमा नेपाली सेनाको हेलिकोप्टरबाट लगिएको प्रमुख जिल्ला अधिकारी विष्णुप्रसाद ढकालले बताए ।
घाइतेहरु तानसेन-२ का प्रफुल्ल शर्मा, तानसेन-६ का विमल रन्जन, तानसेन-३ का उत्तमकुमार बज्राचार्य, तानसेन-२ का ओम मलेगो, मिना खाम्चा र तानसेन-६ की पूर्णमाया महर्जनको मिसन अस्पताल तानसेन र लुम्बिनी मेडिकल कलेज प्रभासमा उपचार भइरहेको छ ।
शुक्रबार भएको बस दुर्घटनामा १४ जनाको मृत्य भएको थियो ।
यो खबर आजको कान्तिपुर दैनिकमा प्रकाशित छ ।
