काठमाडौं, १८ जेठ । मुलुकमा बढ्दो व्यापार घाटा कम गर्न सरकारले सिमेन्ट, कफी, चिया र पश्मिनाको व्यापारलाई उच्च प्राथमिकता दिने भएको छ । शुक्रबार बंगलादेश दुतावासले काठमाडौंमा आयोजना गरेको कार्यक्रममा उद्योग, वाणिज्य तथा आपूर्ति सचिव चन्द्रकुमार घिमिरेले व्यापार घाटालाई न्यूनिकरण गर्न सरकारले विशेष नीति अख्तियार गरेको बताए ।
कार्यक्रममा नेपाल उद्योग परिसंघका अध्यक्ष हरिभक्त शर्माले नेपालको जलविद्युत क्षेत्रमा लगानी गर्न बंगलादेशका उद्यमीहरुलाई आग्रह गरे । कार्यक्रममा बंगलादेशका सरकारी प्रतिनिधिले नेपालको समृद्धिका लागि सहकार्य गर्न आफूहरु तयार रहेको बताए ।
