ललित सिंह,
बझाङ, १३ जेठ । बाढीबाट सदरमुकाम चैनपुर बचाउ अभियान अन्तर्गत बझाङमा ७५ प्रतिशत काम सकिएको छ । बाढीबाट सदरमुकाम जोगाउन तटबन्ध बनाउने काम तिव्र गतिमा भइरहेको छ ।
बाढीबाट सदरमुकाम बचाउ अभियान २०७२ सालदेखि सुरु भएको हो । सदरमुकाम बचाउ अभियान बझाङ लगायत १४ वटा जिल्लामा चलिरहेको छ । अभियान अन्तर्गत बाझाङमा ७५ प्रतिशत काम सकिएको छ । २०७२ सालमा बाउली खोलाले चैनपुर जोड्ने झुलुङ्गे पुल बगाएपछि सदरमुकाम बचाउ संघर्ष समिति बनाएर अभियान सुरु गरिएको हो ।
सरकारको गुरु योजना अनुसार अभियान सुरु गरिएको हो । बझाङमा अहिले तटबन्ध बनाउने काम तिव्र गतिमा भइरहेको छ । अभियान अन्तर्गत चार वटा प्याकेज सम्पन्न भएको छ ।अभियान समयमै सक्ने गरि काम भइरहेको सरोकारवालाको भनाइ छ ।
७५ करोड २८ लाख १५ हजारको लागतमा चैनपुर बचाउन अभियान सुरु गरिएको हो । सेती नदी र बाउली खोलाले बर्सेनि चैनपुर जोखिममा पर्ने गरेको छ । बचाउ अभियान सम्पन्न भएपछि बर्सेनि बाढीबाट हुने क्षति कम हुने स्थानीयको विश्वास छ ।
