एजेन्सी , ३० बैशाख । नेकपा एमालेले भारतको सत्तारुढ दल भाजपाका सांसद कीर्ति आजादको अभिव्यक्तिप्रति आपत्ति जनाएको छ । आइतबार विज्ञप्ती जारी गर्दै एमाले बैदेशिक मामिला विभागले जनकपुर भारतमा फर्काउनुपर्छ भनी भाजपाका सांसद आजादले दिएको अभिव्यक्तिप्रति आपत्ति जनाएको हो ।
सम्बन्ध सुधारको प्रयत्न भइरहेका बेला आजादको अभिव्यक्ति निन्दनीय रहेको एमालेको भनाइ छ । एमालेले जारी गरेको विज्ञप्तीमा मोदी नेपाल भ्रमणमा रहेका बेला सत्तारुढ दलकै सांसदबाट नेपालका विरुद्धमा आएको अभिव्यक्ति दुई देशको सम्बन्ध राम्रो हुन नदिने दुराशयबाट प्रेरित देखिएको उल्लेख छ । दुई देशबीचको मित्रवत् सम्बन्धमा खलल पुर्याउने यस्ता अभिव्यक्ति आइन्दा प्रकट नहुने व्यवस्था मिलाउन एमालेले सरकारको ध्यानाकर्षणसमेत गराएको छ ।
भारतीय प्रधानमन्त्री नरेन्द्र मोदी नेपाल भ्रमणमा रहेकै बेला भाजपा सांसद आजादले ‘जनकपुर सुगौली सन्धिका कारण दुई सय वर्षका लागि नेपाललाई दिइएको र अब प्रधानमन्त्री नरेन्द्र मोदीले भारतमा फर्काउनुपर्छ’ भनेर ट्वीट गरेका थिए ।
आदरणीय @narendramodi जी, जनकपुर धाम, मिथिला की राजधानी में आपका स्वागत है। दो सौ साल पहले अँग्रेजों और नेपाल क बीच हुई संधि जिसमें मिथिला के भाग को नेपाल को दिया गया समाप्त हो गया है। अनुरोध है इसे वापस लेँ और माँ सीता का आदर करते हुए मिथिला राज्य का गठन करें।
@NitishKumar— Kirti Azad (@KirtiAzadMP) May 11, 2018