काठमाडौं, २९ बैशाख । कांग्रेसका नेताहरुले नेपाल भ्रमणमा रहेका भारतीय प्रधानमन्त्री नरेन्द्र मोदीसँग भेटवार्ता गरेका छन् ।
आज मोदी बस्ने हायात होटलमा पुगेर कांग्रेस सभापति शेरबहादुर देउवासहितका नेताहरुले मोदीसँग भेटवार्ता गरेका हुन् । मोदीलाई भेट्न देउवासँगै कांग्रेस नेता रामचन्द्र पौडेल, विजय कुमार गच्छदार, शशांक कोइराला, सीता देवी यादव, कृष्ण सिटौला, विमिलेन्द्र निधि, रामशरण महत, पूर्णबहादुर खड्का पुगेका थिए । भेटमा नेपाल–भारत सम्बन्ध सदृढ बनाउनेबारे छलफल भएको भारतीय विदेश मन्त्रालयका प्रवक्ता रविस कुमारले जानकारी दिए ।
