काठमाडौं, २७ बैशाख । नेपाल खेलकुद पत्रकार मञ्चले एनएसजेएफ पल्सर स्पोर्टस अर्वाड २०७४ का लागि डिस मिडिया नेटवर्कसँगकोे सम्झौतामा नविकरण गरेको छ । सम्झौता अनुसार आगामी जेष्ठ ३ गते नेपाल खेलकुद पत्रकार मञ्चको आयोजनामा हुने एनएसजेएफ पल्सर स्पोर्टस अर्वाडका लागि डिस मिडिया नेटवर्कले ७ लाख बराबरको प्रायोजन गर्नेछ ।
जसमा ४ लाख ७० हजार नगद र २ लाख ३० हजार बराबरको डिस होमको सेटअप बक्स रिचार्ज उपलब्ध गराइने जनाइएको छ । अर्वाडको मनोनयनमा पर्ने ३३ जना खेलाडीले सेट अप बक्स सहितको डिसहोम दुई हजारको रिर्चाज कार्ड प्राप्त गर्नेछन् ।
त्यस्तै बिजेताले एक वर्षका लागि निःशुल्क डिस होम प्रयोग गर्न पाउनेछन् । लक्की ड्र मा ५ जना भोटरहरुले डिस होम पाउने छन् । अर्वाड कार्यक्रम भद्रकालीस्थित आर्मी अफिसर क्लबमा हुने छ ।
