धनुषा, १४ वैशाख । संघीय समाजवादी फोरम नेपालका अध्यक्ष उपेन्द्र यादवले सरकार संघीयता विरोधी गतिविधिमा लागेको आरोप लगाएका छन् ।
धनुषामा मधेशी स्वास्थ्यकर्मी फोरम नेपालको महाधिवेशनलाई सम्बोधन गर्दै अध्यक्ष यादवले संविधान संशोधनका लागि सरकारलाई समर्थन गरे पनि सरकार विपरित दिशामा हिडेको आरोप लगाए ।
निर्वाचनमा भाग लिएकै भरमा आफूहरुले संविधान स्वीकार गरेको नठान्न उनले सरकारलाई सचेत गराए । संविधान संशोधन नभएसम्म मुलुकमा स्थिरता कायम नहुने उनले बताए ।