रुपन्देही, १३ बैशाख । रुपन्देहीको बुटवलमा मापदण्ड विपरित बनाइका संरचान हटाउन सुरु गरिएको छ । बुटवल–बेलहिया व्यापारिक मार्ग आयोजनाले बुटवलका तीन सय बढी घरहरु भत्काउन थालेको हो ।
पटक पटक भौतिक संरचना हटाउन स्थानीयलाई आग्रह गर्दा पनि अटेर गरेपछि आयोजनाले डोजर चलाएर भत्काउन थालेको हो । एक दर्जन बढि घरधनीले भने सडक मिचेर बनाएको घर आफैले भत्काएका छन् ।
५ अर्ब ८६ करोडमा बुटवलदेखि बेलहिया नाकासम्मको साढे २७ किलोमिटर सडक ६ लेनको बनाइने छ । २०६८ देखि निर्माण सुरु भएको यो सडकको ११ किलोमिटर सडक मात्रै कालोपत्रे भएको छ । करिब १३ किलोमिटर सडक निर्माण हुन बाँकी छ ।
