नेकपा माओवादी अध्यक्ष पुष्पकमल दाहाल प्रचण्डले यही बैशाख १४ गते पार्टी एकताको मिति घोषणा हुने बताएका छन् । चितवनको भरतपुर विमानस्थलमा संचारकर्मीसँग कुराकानी गर्दै अध्यक्ष प्रचण्डले एमालेसँग एकताका लागि आगामी १४ गते मिति तोक्ने सहमति भएको बताए ।
अध्यक्ष दाहालले दुबै पार्टीका शीर्ष नेता व्यस्त भएका कारण एकता प्रक्रिया ढिला भएको स्पष्ट पारे । फरक प्रसंगमा अध्यक्ष दाहालले प्रधानमन्त्री केपी ओलीको निमन्त्रणमा भारतीय प्रधानमन्त्री नरेन्द्र मोदी नेपाल आउन लागेको बताए। प्रधानमन्त्री मोदीको भ्रमणले दुई देशको सम्बन्ध सुदृढ हुने उनको विश्वास छ ।
