एजेन्सी, २४ चैत । दुर्लभ मानिने कालो हरिण मारेको आरोपमा दोषी ठहर भएका बलिउड अभिनेता सलमान खान जमानतमा रिहा भएका छन् । कालो हरिण मारेको आरोपमा उनलाई बिहीबार पाँच वर्षको जेल सजायको फैसला सुनाइएको थियो ।
सेशन कोर्टका न्यायाधीश रविन्द्र कुमार जोशीले सलमानलाई जमानतमा रिहा गर्न आदेश दिएका हुन् । उनी आजै जेलबाट छुट्ने सम्भावना छ । जोधपुरको सीजेएम कोर्टले सलमानको यस मामिलामा दोषी ठहर गर्दै पांच वर्षको जेल सजाए सुनाएको थियो ।
सलमानलाई ५० हजार धरौटीमा रिहा गर्न अदालतले आदेश दिएको छ । उनले जमानत स्वरुप उक्त रकम बुझाई सकेका छन् । यद्यपी उनी अझै रिहा भएका छैनन् । भारतीय सञ्चार माध्यमका अनुसार उनी शनिबार बेलुकासम्म जेलबाट रिहा हुन सक्नेछन् ।