कैलाली, ६ चैत । कैलालीको धनगढीमा हाफ म्याराथुन प्रतियोगिता हुने भएको छ । नयाँ बर्षको अवसरमा बैसाख १ गते धनगढी जेसिजले म्याराथुन प्रतियोगिताको आयोजना गर्न लागेको हो ।
प्रतियोगिताका संयोजक कमल पनेरुले म्याराथुनमा २ हजार ५ सयले सहभागिता जनाउने जानकारी दिए । खुल्ला म्याराथुन, कर्पोरेट र ट्राई साइकल गरि ३ विधामा प्रतियोगिता हुने छ ।
खुल्लातर्फ प्रथम हुनेलाई ५१ हजार, दोस्रो हुनेलाई २५ हजार र तेस्रो हुनेलाई १५ हजार रुपैयाँ पुरस्कार दिइने छ । त्यस्तै कर्पोरेट र ट्राई साइकलतर्फ प्रथम हुनेलाई ५ हजार, दोस्रोहुनेलाई ३ हजार र तेस्रो हुनेलाई २ हजार पुरस्कारको व्यवस्था गरिएको छ ।
