धनगढी, ५ चैत । प्रदेश नम्बर ७ का मुख्यमन्त्री त्रिलोचन भट्टले धनगढीस्थित सेती अञ्चल यातायात कार्यालयको काम प्रभावकारी बनाउन कर्मचारीलाई निर्देशन दिएका छन् ।
सेती अञ्चल यातायात कार्यालय अस्तव्यस्त भएको गुनासो आएपछि मुख्यमन्त्री भट्टले निरिक्षण गर्दै कार्यालयको काम प्रभावकारी बनाउन निर्देशन दिएका हुन् ।
यातायात कार्यालय अस्तव्यस्त हुँदा सामान्य कामका लागि पनि दिनभर कुर्ने गरेको सेवाग्राहीको गुनासो छ । उता कार्यालयका प्रमुख कृष्णप्रसाद भुषालले सेवाग्राहीहरुको चाँप बढेकाले काममा ढिलाई भएको स्विकार गरे ।
