काठमाडौं, २४ फागुन । आईसीसी एकदिवसीय विश्वकप छनोट अन्तर्गत नेपाल आफ्नो दोस्रो खेल स्कटल्याण्डविरुद्ध खेल्दैछ । नेपालले टस जितेर पहिले ब्याटिङ गरेकाे छ ।
आजको खेलमा नेपालले अहिलेसम्म ३४ ओभर खेल्दै ११२ रन बनाएको छ । प्रारम्भिक व्याट्सम्यान राम्रोसँग खेल्न नसक्दा नेपालले सोचे अनुसारको प्रस्तुती देखाउन सकेन।
नेपालका लागि सर्बाधिक दोहोरो अंक पारसले जोड्न सफल भए । उनले ७५ बलमा ६३ रन बनाए । उनलाई साथ दिएका सोमपाल कामीले ५४ बलमा १८ बनाए । नेपालका लागि ज्ञानेन्द्र मल्लले १, दिलिप नाथले ४, दिपेन्द्र सिंह ऐरी १, आरिफ शेख २, र सरद भेषवाकरले ० रन बनाए । अहिले रोहित कुमार र बसन्त रेग्मीले ब्याटिङ गरिरहेका छन् ।
आजको खेलसँगै नेपालकालागि कप्तान पारस खड्का ‘लिस्ट ए’ मा १ हजार रन बनाउने पहिलो खेलाडी बनेका छन् । ‘लिस्ट ए’मा ३० खेल खेलेका कप्तान पारसको नाममा २ सतक र ६ अर्धसतक छ ।
