जनकपुरधाम, १९ फागुन । मिथिलाञ्चलमा आज होली पर्व मनाइएको छ । बिहीबार पहाडी तथा हिमाली जिल्लामा होली पर्व मनाइएको थियो । तराईका केही जिल्लामा हिजो होली पर्व मनाईए पनि धनुषाको जनकपुरसहित मिथिलाञ्चलमा शनिबार होली मनाईएको हो ।
मध्यमा परिक्रमा सम्पन्न भएको भोलिपल्ट होली मनाउने परम्परा रहेकाले मिथिलाञ्चलमा आज होली मनाईएको हो । होलीका अवसरमा जनकपुरको विभिन्न चोकहरुमा ‘मटका भोर’ कार्यक्रमको आयोजना गरिएको थियो ।
विदेशी पर्यटकहरु समेत स्थानियवासीसँग होलीमा रमाएका थिए । होलीका अवसरमा जनकपुरको विभिन्न स्थानमा युवाहरुको टोलीले सांगीतिक कार्यक्रमका आयोजना गरेका थिए ।
