काठमाडौं, १२ फागुन । नेपाली राष्ट्रिय क्रिकेट टोली विश्वकप छनोट खेल खेल्न आज जिम्बाब्वे जाँदैछ । नेपाली टोली राति पौने ११ बजे फ्लाइ दुबईको उडानबाट दुवई हुँदै जिम्बाब्वे जाने कार्यक्रम छ ।
नेपालले विश्वकप क्रिकेटको छनोट खेल खेल्न लागेको यो तेस्रोपटक हो । समूह बीमा रहेको नेपालले प्रतियोगितामा जिम्बाब्वे, अफगानिस्तान, स्कटल्याण्ड र हङकङसँग खेल्नेछ ।
नेपालको पहिलो खेल घरेलु टोली जिम्बाबेसँग फागुन २० गते, स्कटल्याण्डसँग फागुन २४ गते, अफगानिस्तानसँग फागुन २६ गते र हङकङ्गसँग फागुन २८ गते खेल्नेछ ।
८ देशले सहभागीता जनाउने प्रतियोगीतामा शिर्ष स्थानमा रहने दुई देश विश्वकपमा छानिनेछन् भने वेष्टइण्डिज, आयरल्याण्ड, अफगानस्तान र जिम्बाब्वे वाहेकका शीर्ष तीन देशले एकदिवसीय क्रिकेटको मान्यता पाउनेछन् । एकदिवसीय क्रिकेटको मान्यता नेपालको लक्ष्य भएको कप्तान पारस खड्काले बताएका छन् ।
