काठमाडौं,२ फागुन । प्रदेश नम्वर दुईको मुख्यमन्त्रीमा संघीय समाजवादी फोरमका संसदीय दलका नेता लालबाबु राउत नियुक्त भएका छन ।प्रदेश प्रमुख रत्नेश्वर लाल कायश्थले बुधबार राउतलाई मुख्यमन्त्री नियुक्त गरेका हुन ।
राष्ट्रिय जनता पार्टी नेपालको समर्थनमा राउतले मंगलबार मुख्यमन्त्री नियुक्त गर्न दाबी पेश गरेका थिए । १०७ सदस्यीय प्रदेशसभामा फोरमका २९ र राजपाका २५ गरी ५४ सांसद छन् ।
मुख्यमन्त्रीको सपथ भने बिहीबार हुनेछ । यता प्रदेश नम्वर पाँचको मुख्यमन्त्री नियुक्तिको तयारी भएको छ । एमाले संसदीय दलका नेता शंकर पोखरेललाई मुख्यमन्त्री नियुक्ति गर्ने तयारी भएको हो ।
