२०८१,११,१८
जनता समाजवादी पार्टी नेपालका अध्यक्ष उपेन्द्र यादवले प्रधानमन्त्री केपी शर्मा ओली नेतृत्वको सरकारले आफ्नो आयु लम्ब्याउन जालझेल गर्ने र अरु दललाई कमजोर बनाउने नीति लिएको आरोप लगाएका छन्। आइतवार पार्टी केन्द्रीय कार्यालयमा बसेको पार्टी केन्द्रीय कमिटीको बैठकमा राजनीतिक, संगठनात्मक प्रतिवेदन तथा प्रस्तावहरु प्रस्तुत गर्दै उनले यस्तो आरोप लगाएका हुन्। उनले सरकार संविधानले व्यवस्था गरेको बहुदलीय व्यवस्थाप्रतिकूल काम गर्न उद्दत रहेको आरोपसमेत लगाए।
उनले सरकार गठनपश्चात मुलुकमा सुशासन, समृद्धि र विकास गर्नुभन्दा बढी कोरा नारामा मात्र सीमित राखेको आरोपसमेत लगाए। सरकारप्रति जनतामा नैराश्यता बढ्दोक्रममा रहेको उनको भनाइ छ। अध्यक्ष यादवले राष्ट्रिय हितको रक्षा, राष्ट्रिय हितअनुकूल परराष्ट्र नीति कायम गर्न नसकेकाले सरकार असक्षम र असफल सावित भइसकेको बताए।
सरकारमा सहभागी दलका नेता र तिनका परिवारको सदस्यहरु नै ठूला–ठूला भ्रष्टाचार काण्डमा संलग्न रहेको प्रमाण भेटिँदा पनि त्यसविरुद्ध सरकार मौन रहेको आरोपसमेत उनले लगाएकाछन ।
‘
