साउदी अरबमा अत्यधिक गर्मीका कारण साढे पाँच सयभन्दा धेरै हजयात्रीको गयो ज्यान,२ हजारबढी गम्भीर बिरामी | ईमाउण्टेन समाचार

Our Network

असार ७ २०८१, बिहीबार

साउदी अरबमा अत्यधिक गर्मीका कारण साढे पाँच सयभन्दा धेरै हजयात्रीको गयो ज्यान,२ हजारबढी गम्भीर बिरामी

साउदी अरबमा अत्यधिक गर्मीका कारण साढे पाँच सय जनाभन्दा धेरै हजयात्रीको ज्यान गएको छ ।

पछिल्लो तथ्यांक अनुसार अत्यधिक गर्मीका कारण ५ सय ५५ हजयात्रीको ज्यान गएको र दुई हजार जना गम्भीर बिरामी छन् ।

बिरामीको उपचार भइरहेको साउदी सरकारलाई उद्धृत गर्दै अन्तर्राष्ट्रिय सञ्चारमाध्यमहरुले जनाएका छन् । अहिले साउदीको तापक्रम झन्डै ५२ डिग्री सेल्सियसम्म पुगेको छ ।

विश्वभरबाट हजयात्रामा गएका लाखौँ हजयात्री गर्मीले समस्यामा परेका छन् । ज्यान गुमाउनेमध्ये तीन सय २० जना इजिप्टका नागरिक छन् ।

यस्तै इन्डोनेसियाको स्वास्थ्य मन्त्रालयले तीर्थयात्रामा गएका आफ्ना एक सय ४४ जनाको ज्यान गएको जनाएको छ । जोर्डन, सेनेगल, ट्युनिसिया र इरानले पनि आफ्ना नागरिक गुमाएको बताएका छन् ।

यसपटक विश्वभरबाट १८ लाख जना हजयात्राको लागि साउदीको मक्कामा पुगेका छन् ।

दिउँसो अत्यधिक गर्मी हुँदा बिहान र बेलुका हजको प्राथना हुने गरेको छ, त्यो बेला भीड बढ्दा कयौँले निसासिएर ज्यान गुमाएका खबरमा उल्लेख छ ।०००

Leave a Reply

(function ($) { $(function () { $('#announcementModal').modal('show'); }) })(jQuery);