पृथ्वीराजमार्गअन्तर्गत तनहुँस्थित दमौली–जामुनेको वैकल्पिक मार्ग घुम्ती–रानीटारीखण्ड १६ दिनसम्म बन्द हुने भएको छ ।
स्तरोन्नतिको काम भइरहेकाले आजदेखि जेठ २१ गतेसम्म बाटो पूर्ण रूपमा बन्द गरिएको हो ।
रानीटारीबाट हर्षपुरसम्मको बाटो बन्द गरिएको पूर्वाधार विकास कार्यालयले जनाएको छ ।
धमाधम सडक स्तरोन्नति भइरहेकाले वैकल्पिक मार्ग अपनाउन कार्यालयले सवारी चालक तथा यात्रुहरुलाई अनुरोध गरेको छ ।
व्यास नगरपालिका–५ रानीटारीबाट म्याग्दे गाउँपालिका हुँदै राजमार्गको घुम्ती जोड्ने ९.४५२ किलोमिटर मार्गमा पानी निकासको नालासहित सडक विस्तार भईरहेको छ ।
कुल १ हजार ९५० मिटर ढलान गर्नुपर्ने सडकखण्डको १ हजार ६ सय मिटर काम पूरा भएको छ भने ९ किलोमिटर लामो नालाको काम पनि अन्तिम चरणमा रहेको छ ।
आठ किलोमिटर खण्डमा आस्फल्ट प्रविधिको कालोपत्रे गरिनेछ र उक्त मार्गको हालसम्म ६२ प्रतिशत कार्यप्रगति भएको बताईएको छ । ०००
