गृहमन्त्री निर्दोष भए एउटा संसदीय छानविन समिति गठन गरौँःरामहरी खतिवडा | ईमाउण्टेन समाचार

Our Network

वैशाख १५ २०८१, शनिबार

गृहमन्त्री निर्दोष भए एउटा संसदीय छानविन समिति गठन गरौँःरामहरी खतिवडा

काठमाडौं,२८ चैत्र । नेपाली काँग्रेसका सांसद रामहरी खतिवडाले आफुहरुले सहकारी ठगि प्रकरणमा आफूहरुले कसैलाई दोषी करार नगरेको बताउनुभएको छ । बुधवार प्रतिनिधि सभा बैठकमा बोल्दै सांसद खतिवडाले आफूहरुले सहकारी ठगिमा कसैलाई दोषि करार नगरेको बताउनुभएको हो ।

उहाँले काठमाडौं, बुटवल, पोखरा, भैरहवा र चितवनका सम्पूर्ण सहकारीबाट अर्बौँ पैसा अपचलन गरेर गोर्खा मिडिया प्रा.लि.का नाममा एक अर्बभन्दा बढी पैसा जम्मा गरिएको र सो प्रा.लि.को प्रवन्ध निर्देशक रवि लामिछाने रहेको बताउनु भयो । उहाँले सहकारीको सदस्य नभएको संस्थाले पैसा लिन नपाएपनि लगिएको भन्दै यसको संसदीय समिति बनाएर छानविन गर्नुपर्ने बताउनु भयो । उहाँले कांग्रेसले कसैलाई फसाउन नचाहेको बताउनु भयो ।

उहाँले भन्नुभयो – ‘काठमाडौं, बुटवल, पोखरा, भैरहवा, चितवनका सम्पूर्ण सहकारीबाट अरबौँ पैसा अपचलन गरेर गोर्खा मिडिया प्रा.लि.का नाममा एक अर्बभन्दा बढी पैसा त्यहाँ जम्मा गरियो । जुन गोर्खा मिडिया प्रा.लि.को प्रवन्ध निर्देशक रवि लामिछाने भन्ने व्यक्ति हुनुहुन्थ्यो । सहकारीको पैसा कुनैपनि आफु सदस्य नभएको संस्थामा लान पाइदैन । जुन संस्था त्यसको सदस्य छैन त्यो संस्थामा अरबौँ पैसा लगियो । त्यो पैसा छानविन होस् भनेर हामीले आवाज उठाउँदा म निर्दोष छु । यसमा छानविन हुनुहुँदैन भनेर आवाज उठाइन्छ । हामीले कसैलाई दोषि करार गरेका छैनौँ । निर्दोष छ भने एउटा संसदीय छानविन समिति गठन गरौँ । त्यसले जे भन्छ, त्यसलाई हामी मान्न तयार छौँ भन्दा किन सरकार अड्किएर बसेको छ ? हामीले फेरिपनि भन्यौँ कोहीसँग पूर्वाग्रह राखेर नेपाली कांग्रेस राजनीति गर्दैन । हामीसँग कसैसँग दोष छैन, ईष्र्या छैन । हामी कसैलाई फसाउन चाहादैनौँ । तर गल्ती छैन भने भन्न सक्नु प¥यो, मेरो केही गल्ती छैन । छानविन गरियोस् । गल्ती छ भने सजाय भोग्न तयार छु भनेर किन सरकार आँट गर्दैन ? संसदीय छानविन समितिका लागि सरकार किन भागेर हिँड्छ ? यदी गोर्खा मिडिया प्रा.लि.ले लिएको पैसा प्रवन्ध निर्देशक रवि लामिछाने हुँदा तिर्नु पर्दैन भन्ने फैसला र नजिर सरकारकहाँ छ भने त्यो हामीलाई देखाइयोस् । नभए निष्पक्ष छानविन समिति संसदबाट गठन होस् भनेर हामी माग गर्न चाहन्छौँ । एकजना मन्त्रीले मेरो त तेइस लाख रुपैयाँ ठगि भयो सहकारीमा भन्नुभएछ । गृहमन्त्रीलाई आफ्नै मन्त्रीले ठगि भयो भनेर भन्दापनि गृहमन्त्रीको ध्यान गएको छैन । कसले छानविन गर्ने हो त निष्षक्ष संसदीय समिति नबनाएदेखि ?’

उहाँले नेपाली काँग्रेसले संसद अवरुद्ध गर्न नचाहेको बताउनु भयो । कसलाई दण्ड र कसलाई न्याय दिने भन्ने फैसला सुनाउने अधिकार सरकारलाई नभएको बताउनु भयो ।

Leave a Reply

(function ($) { $(function () { $('#announcementModal').modal('show'); }) })(jQuery);