दार्चुला,२२ चैत्र । दर्चुलामा ट्रयाकटरबाट खसेर एक जनाको मृत्यु भएको छ।
गए राती महाकाली नगरपालिका–३ गाराखुबाट बाँझतर्फ जाँदै गरेको सुदुरपश्चिम प्रदेश ०२००२ त १५९२ नम्बरको ट्र्याकटरबाट खसेर महाकाली–३ मानाकोटका ४० वर्षीय हरक सिंह नगालको मृत्यु भएको हो।
मृतक नगालको शव पोस्टमार्टमका लागि जिल्ला अस्पताल दार्चुलामा राखिएको र ट्याक्टर चालक भुवनसिंह महरालाई हिरासतमा लिइ घटनाबारे अनुसन्धान भइरहेको जिल्ला प्रहरी कार्यालय दार्चुलाले जनाएको छ।
