एजेन्सी,९ फागुन । भारत–चीन सीमामा तनावका बीच दुई देशबीच फेरि उच्चस्तरीय सैन्य वार्ता भएको छ । समाचार एजेन्सी पीटीआईका अनुसार पूर्वी लद्दाखको वास्तविक नियन्त्रण रेखा (एलएसी) नजिक भएको सैन्य वार्तामा भारत र चीनले धेरै विषयमा सहमति जनाएका थिए ।
सोमबार भएको उच्चस्तरीय सैन्य वार्तामा भारत र चीनले ीब्ऋ वरपरका क्षेत्रमा शान्ति कायम गर्न जोड दिएका थिए । तर, साढे तीन वर्षभन्दा लामो समयदेखि अलपत्र परेका धेरै बुँदाहरू समाधानका लागि सोमबार भएको वार्ताले कुनै ठोस कदम नचालेको यस विषयमा जानकारहरूले बताएका छन् ।
भारत र चीनबीच कोर्प्स कमाण्डर स्तरमा भएको यो २१औं चरणको बैठक भएको विदेश मन्त्रालयले जनाएको छ । यही फागुन १९ गते चुशुल–मोल्दो सीमानामा बैठक आयोजना गरिएको थियो । एक विज्ञप्तिमा भनिएको छ,अन्तिम चरणको वार्तामा, भारत–चीन सीमा क्षेत्रमा शान्ति पुनर्स्थापना गर्न पूर्वी लद्दाखको ीब्ऋ सँगसँगै बाँकी क्षेत्रहरूबाट पूर्ण विच्छेदको माग गरिएको थियो।
मैत्रीपूर्ण र सौहार्दपूर्ण वातावरणमा भएको वार्तामा दुवै पक्षले यस विषयमा आफ्नो धारणा राखेको परराष्ट्र मन्त्रालयले जनाएको छ । विज्ञप्तिमा दुवै पक्षले सैन्य र कूटनीतिक माध्यमबाट अगाडि बढ्ने बाटोमा वार्तालाई निरन्तरता दिन सहमति जनाएका छन् । यसका साथै उनले सीमावर्ती क्षेत्रमा शान्ति कायम गर्ने प्रतिबद्धता पनि व्यक्त गरे ।
