काठमाडौं,७ माघ । आजदेखि सुरु हुन लागेको त्रिवि उपकुलपति कपको ललितपुरको जावलाखेलमा उद्घाटन हुँदैछ । ११ गतेसम्म सञ्चालन हुने सो प्रतियोगिताको त्रिवि विद्यार्थी कल्याण तथा खेलकुद निर्देशानालयले आयोजनाले गरेको हो ।
प्रतियोगितामा भलिबल,एथ्लेटिक्स,ब्याडमिन्टन र टेबलटेनिस गरी ५ खेलबीच प्रतिस्पर्धा हुनेछ । आयोजकले टाइसिट शनिबार नै सार्वजनिक गरिसकेको छ ।
भलिबलतर्फ त्रिविअन्तर्गत रहेका देशका विभिन्न स्थानका २७ क्याम्पस नकआउटका आधारमा प्रतिस्पर्धा गर्नेछन् ।
बास्केटबलमा १९ टोली समावेश गरिएको छ । आजै जावलाखेल भलिबल प्रशिक्षण केन्द्रमा भलिबलका खेल सुरु हुनेछन् र त्यसपछि उद्घाटन हुनेछ ।
