काठमाडौं,५ माघ । भारतको गुजरातमा डुङ्गा डुब्दा १४ जनाको ज्यान गएको छ भने ६ जना बेपत्ता भएका छन् ।
गुजरातको वडोदरामा रहेको हरनी तालमा डुंगा डुबेर भएको दुर्घटनामा १२ जना बालबालिका र दुई जना शिक्षकको ज्यान गएको भारतीय संचार माध्यमहरुले जनाएका छन् ।
डुंगामा २७ जना रहेकामा सात जनालाई उद्धार गरेर अस्पतालमा भर्ना गरिएको छ । हराएकाहरुको खोजी भइरहेको खबरमा उल्लेख छ ।
प्रधानमन्त्री नरेन्द्र मोदीले घटनाप्रति दुःख व्यक्त गर्दै घाइतेको शीघ्र स्वास्थ्यलाभको कामना गर्नुभएको छ ।
उहाँले मृतकका आफन्तलाई दुई लाख रुपैयाँ र घाइतेलाई ५० हजार रुपैयाँ क्षतिपूर्ति दिने घोषणा गरेको भारतीय संचार माध्यमहरुले जनाएका छन् ।
