एजेन्सी,१३ पुस । इराकी प्रधानमन्त्री मोहम्मद शिया अल–सुदानीले आफ्नो सरकार देशमा अमेरिकी नेतृत्वको अन्तर्राष्ट्रिय गठबन्धनको उपस्थिति अन्त्य गर्ने दिशामा अघि बढिरहेको बताउनुभएको छ । अल–सुदानीले आफ्नो भ्रमणमा रहेका स्पेनका समकक्षी पेड्रो सान्चेजसँगको संयुक्त पत्रकार सम्मेलनमा द्विपक्षीय सम्बन्ध र केही क्षेत्रीय मुद्दाहरूमा छलफल गर्न देशको आधिकारिक भ्रमण गर्नुभएको थियो ।
अल–सुदानीले पत्रकारहरूलाई सान्चेजसँगको भेटमा स्पेनको हिस्सा रहेको अन्तर्राष्ट्रिय गठबन्धनको स्थितिबारे विस्तृत रूपमा छलफल भएको बताउनु भयो । भेटका क्रममा दुई नेताले दुई देशबीचको रणनीतिक साझेदारी सम्झौतालाई निष्कर्षमा पु¥याउन संयुक्त प्रयास थाल्न सहमति जनाएका छन् ।
सुरक्षा, संस्कृति, वातावरण र दिगो विकासका क्षेत्रमा सहकार्यका विषयमा पनि छलफल भएको बताइएको छ । अल–सुदानीले मध्यपूर्वमा गाजा र कब्जा गरिएका प्यालेस्टाइन क्षेत्रहरूमा ठूला हमलाहरू भइरहेको कठिन परिस्थितिहरूमा स्पेनी प्रधानमन्त्रीको भ्रमण भएको बताउनु भयो । आफ्नो पक्षको लागि, सान्चेजले इराकसँग विशेष गरी यातायात, रक्षा, शिक्षा, र जलवायु परिवर्तनको सामना गर्ने क्षेत्रमा सम्बन्ध विकास गर्ने आफ्नो देशको इच्छा व्यक्त गर्नुभयो ।
स्पेनका प्रधानमन्त्रीले इराकी राष्ट्रपति अब्दुल लतिफ रशिदसँग पनि भेट गर्नुभएको थियो । जसमा दुई पक्षले द्विपक्षीय सम्बन्ध र सहयोग बढाउनका साथै गाजापट्टी र अन्य प्यालेस्टिनी सहरहरूमा आक्रमण र बमबारी रोक्नको आवश्यकताबारे छलफल गरेका थिए ।
