काठमाडौं, २९ मंसिर । डा. गोविन्द केसीले आजदेखि तीन दिने सत्याग्रह शुरु गर्ने घोषणा गरेका छन् ।
चिकित्सा शिक्षा सुधारका अभियन्ता केसीले सरकारले विगतमा पटक–पटक गरेको सहमतिलाई कार्यान्वयन नगरेको भन्दै शुक्रवार बेलुका ५ बजेदेखि ३ दिने सत्याग्रह सुरु गर्न लागेको बताएका छन् ।
आज पत्रकार सम्मेलन गर्दै डा.केसीले विगतमा भएको सम्झौता,सरकारी अस्पतालहरुमा मागअनुसार दरबन्दी थप गर्दै क्षमता बढाउने र सबै निशुल्क औषधीहरु पाइने सुनिश्चित गर्ने माग अघि सारेका छन् ।
डा.केसीले एक सय शैया भन्दा बढी भएका सरकारी अस्पतालहरुमा नर्सिङ लगायत अन्य स्वास्थ्य सम्बन्धि विषयका कार्यक्रम सुरु, विश्वविद्यालय र प्रतिष्ठानहरुमा पदाधिकारी नियुक्तिको मापदण्डसहित कानुनी व्यवस्था गर्ने, ऐन जारी नहुँदासम्म दलीय भागवण्डा निषेध गर्दै विगतका सम्झौता लागु गर्नुपर्ने लगायतका माग अघि सारेका छन् ।
