काठमाडौं, २५ मंसिर । अभियन्ता ईः ले ललितपुर महानगरपालिकाले गरेको निर्णय बारे पुनर्विचार गर्न आग्रह गरेका छन् । सोमबार सामाजिक सञ्जालमा स्टाटस लेख्दै ललितपुरमा साझ–बिहान फुटपाथ व्यापार गर्न दिन आग्रह गरेका हुन् ।
साझ बिहानको फुटपाथ व्यापार ललितपुरबासीको सपना भएको पनि उनको भनाइ छ । शहर धनीलाई मात्र नभइ सबैका लागि भएको उल्लेख गर्दै उनले लेखेका छन्,‘सहरको आत्मा मार्दै रात र बिहानका फुटपाथ क्षेत्र हटाउने निर्णयप्रति पुनर्विचार गर्न आवश्यक छ ।’
दबाब स्वरुप उनले ललितपुर महानगरपालिकाको कार्यालय अगाडी मंगलबार साझ ३ बजेदेखि १०८ मिनेट उभिने बताएका छन् । ईः ले यसअघि पनि काठमाडौं महानगरभित्रका फुटपाथ व्यवसायीको पक्षमा १९९ घण्टासम्म राष्ट्रिय सभागृह अगाडी उभिएर विरोध जनाएका थिए ।
