पोल्याण्डको नयाँ सरकारद्वारा शपथ ग्रहण | ईमाउण्टेन समाचार

Our Network

फागुन १८ २०८०, शुक्रबार

पोल्याण्डको नयाँ सरकारद्वारा शपथ ग्रहण

एजेन्सी, १३ मंसिर । पोल्याण्डका प्रधानमन्त्री माटेउज मोराविकीको नेतृत्वमा रहेको नयाँ सरकारले शपथ ग्रहण गरेको छ । मोराविकीको मन्त्रिपरिषद् अब आगामी दुई हप्ता भित्र देशको संसदको तल्लो सदन (सेज्म) द्वारा अनुमोदन हुनेछ । मोराविकीले नयाँ मन्त्रिपरिषद् गठनको लागि राष्ट्रपति एन्ड्रेज डुडालाई प्रश्ताव पेश गर्नुभएको थियो । सरकारका प्रवक्ताका अनुसार मन्त्रिपरिषद्मा यसअघि राजनीतिक पदमा नबसेका विज्ञहरूका साथै विशिष्ट क्षेत्रमा विज्ञ राजनीतिज्ञहरू समावेश हुन्छन् ।

नयाँ सरकारमा सिजमोन सिजेनकोस्की भेल सेकले परराष्ट्र मन्त्रालयको जिम्मेवारी सम्हाल्नु हुनेछ । मारिउज ब्लास्जाक राष्ट्रिय रक्षा मन्त्रालयको प्रमुख र मार्लेना मलाग विकास तथा प्रविधिमन्त्री बन्नुभएको छ । कानून र न्याय (पीआईएस) पार्टीका नेता र पूर्व उपप्रधानमन्त्री जारोस्लाव काजिन्स्की नयाँ मन्त्रिपरिषद्मा छैनन् । यसैबीच मोराविकीको सरकारमा आधाभन्दा बढी मन्त्रीहरू महिला छन् ।

मोराविकीसँग अब विश्वासको मतको लागि १४ दिन बाँकी छ । यदी उनले यो मत प्राप्त गर्न असफल भएम सेजमले सरकार गठनका लागि प्रधानमन्त्री चयन गर्ने काम गर्नेछ । अक्टोबर १५ मा भएको संसदीय चुनावमा, पीआइएसले १९४ सिट जितेको थियो । तीन प्रमुख विपक्षी समूह, पूर्व प्रधानमन्त्री डोनाल्ड टस्कको नेतृत्वमा रहेको नागरिक गठबन्धन, थर्ड वे र न्यू लेफ्टले सामूहिक रूपमा २४८ सिट प्राप्त गरेको छ । विपक्षी गठबन्धनले नोभेम्बर १० मा गठबन्धन सम्झौतामा हस्ताक्षर गरेको थियो ।

Leave a Reply