काठमाडौं, १६ कात्तिक । डोटीमा मजदुर चढेको ट्याक्टर दुर्घटना भएको छ । दुर्घटनामा परेर एक जनाको मृत्यु भएको छ भने १९ जना घाइते भएको प्रहरीले जनाएको छ ।
भीमदत्त राजमार्गअन्तर्गत जोरायल गाउँपालिका–१ को घोरडीमा २५ जना बोकेको सुपप्र ०१००२ त ६७२३ नम्बरको ट्याक्टर दुर्घटना भएको हो ।
जसमध्ये १८ वर्षीय सालिन राना मास्केको मृत्यु भएको प्रहरीले जनाएको छ । ५ जना सकुशल छन् । बाँकी १४ जनाको सेती प्रादेशिक अस्पतालमा उपचार भइरहेको छ ।
