काठमाडौं । नेकपा (एमाले)का अध्यक्ष केपी शर्मा ओलीले स्थानीय तहको निर्वाचनमा एमालेले बहुमत ल्याउने दाबी गर्नुभएको छ ।
काठमाडौं महानगरपालिकामा नेकपा एमालेको घर दैलो अभियानको सुरूवात अध्यक्ष ओलीले एमालेको पक्षमा जनलहर आएको दाबी गर्नुभयो ।
अध्यक्ष ओलीले केही पार्टीका नेताहरु आफन्तलाई जिताउने अभियानमा लागेको आरोप लगाउँदै एमाले देश र जनताको जितका लागि चुनावि अभियानमा होमीएको बताउनुभयो ।
राष्ट्रियता र जनजीविकाको सवालमा एमालेले उठाएका एजेण्डा आम जनताको एजेण्डा भएकाले पनि आफुहरुको जित नै समृद्धिको आधार भएको बताउनुभयो ।
काठमाडौंलाई भ्रष्टाचारमुक्त र स्मार्ट सिटी बनाउने अभियानको नेतृत्व एमालेले मात्रै गर्न सक्ने भन्दै अध्यक्ष ओलीले एमालेले काम गर्न सक्ने व्यक्तिलाई उम्मेदवार बनाएको बताउनुभयो ।
कार्यक्रममा पार्टीका नेता जिवनराम श्रेष्ठ, पूर्व मेयर केशव स्थापित, युवा नेता बसन्त मानन्धर, सांसद रामबीर मानन्धर लगायतका स्थानीय नेताहरुले काठमाडौंको विकासमा लागि एमाले उम्मेदवारलाई जिताउन मतदाताहरुसँग आग्रह गरे ।
चुनावी ¥यालीमा पार्टी उपाध्यक्ष एवं ३ नं. प्रदेश संयोजक अष्टलक्ष्मी शाक्य, पार्टी सचिव प्रदिप ज्ञवाली, बिष्णु रिमाल, भानुभक्त ढकाल लगायतका नेताहरुको सहभागिता थियो ।