काठमाडौं, १० असोज । घिउको साइड इफेक्ट हामी सबैलाई थाहा छ घिउ स्वास्थ्यको लागि कति फाइदाजनक छ। यसलाई खाँदा बल मिल्छ, हड्डी बलियो हुन्छ र शरीरलाई पनि धेरै फाइदा हुन्छ । अत्याधिक घिउले स्वास्थ्यलाई पनि हानि पु¥याउन सक्छ । धेरै घिउ खाँदा तौल पनि बढ्छ । जानिराखौं धेरै मात्रामा घिउ खानुका बेफाइदाहरु ।
घिउ शताब्दीयौं देखि नेपाली खानाको एक महत्वपूर्ण भाग भएको छ। यसले खानाको स्वाद बढाउनुका साथै स्वास्थ्यका लागि निकै फाइदाजनक हुन्छ । कुनै पनि खानेकुरामा थोरै घिउ थप्दा यसको स्वाद बढ्छ । यसमा भिटामिन–ए, भिटामिन–डी, भिटामिन–ई, प्रोटिन र धेरै पोषक तत्वहरू पाइन्छ, जुन शरीरका लागि आवश्यक हुन्छ, तर के तपाईंलाई थाहा छ, धेरै घिउ खाँदा पनि समस्या हुन सक्छ। हो, अत्याधिक घिउले फाइदाको सट्टा हानि पु¥याउन सक्छ।
आउनुहोस् जानौं घिउ खानुका के–कस्ता बेफाइदाहरू छन्।
वजन बढाउने समस्या
यदि तौल घटाउन चाहनुहुन्छ भने आफ्नो आहारमा थोरै मात्रामा घिउ समावेश गर्नुहोस्। धेरै घिउ खाँदा तौल घट्नुको सट्टा बढ्छ । घिउमा कन्जुगेटेड लिनोलिक एसिड (सीएलए) हुन्छ, जसले तौल घटाउन मद्दत गर्छ, तर यसमा क्यालोरी प्रशस्त हुन्छ र यसलाई बढी खाँदा मोटो हुन सक्छ।
मुटु रोगीका लागि हानिकारक
धेरै मात्रामा घिउ खानु मुटु सम्बन्धी समस्या भएका व्यक्तिहरुका लागि खतरनाक साबित हुन सक्छ । यसमा पाइने फ्याटी एसिडका कारण हृदयाघातको जोखिम बढ्छ, त्यसैले आहारमा सीमित मात्रामा घिउ समावेश गर्नुपर्छ ।
कलेजोको लागि हानिकारक
थोरै मात्रामा घिउ खाँदा कलेजोलाई कुनै हानी हुँदैन, तर बढी घिउ सेवन गर्दा हानिकारक हुन सक्छ । यदि तपाईलाई पहिले नै फ्याटी लिभर, जन्डिस, ग्यास्ट्रोइंटेस्टाइनल दुख्ने जस्ता समस्या छ भने तपाईले घिउ खानु हुँदैन।
गर्भवती महिलाहरुको लागी हानिकारक
गर्भावस्थामा घिउ खानु फाइदाजनक मानिन्छ तर यसको बढी सेवनले अपच, पेट फुल्ने वा कब्जियत जस्ता पाचन समस्या निम्त्याउन सक्छ। यद्यपि, गर्भवती महिलाहरूले अक्सर पाचन समस्याको सामना गर्छन्, त्यसैले खानामा घिउ कम खाने सल्लाह दिइन्छ।
घिउ पोषक तत्वको भण्डार हो। यसले शरीरलाई धेरै तरिकाले फाइदा पु¥याउँछ, तर धेरै घिउ खाँदा तपाईलाई धेरै समस्याहरू सताउन सक्छ, त्यसैले आफ्नो आहारमा थोरै मात्रामा घिउको प्रयोग गर्नुहोस्।
