काठमाडौं, १३ भदौ । पाल्पाको रिब्दिकोट गाउँपालिका–२ जोर्तेमा पहिरोले जीप पुर्दा ३ जनाको मृत्यु भएको छ ।
गुल्मीको तम्घासबाट बुटवल जाँदै गरेको लु १ ज ४६०० नम्बरको स्कार्पियो गाडी जोर्तेमा पहिरोमा पुरिएर ३ जनाको घटनास्थलमै मृत्यु भएको हो ।
पहिरोमा पुरिएर घाइते भएका ८ जनाको उपचार भइरहेको छ । बच्चासहित जनालाई सकुशल उद्धार गरिएको पाल्पा प्रहरीले जनाएको छ ।
पहिरो खस्दा पाल्पा–गुल्मी सडकखण्ड बन्द भएको छ । घाइते मध्ये दुई जनाको अवस्था गम्भीर रहेको र बाँकी पाँच जनाको अवस्था मध्यम रहेको रहेको पाल्पा प्रहरीले जनाएको छ । घाइतेको पाल्पा सदरमुकाम स्थित यूनाइटेड मिसन अस्पताल तानसेनमा उपचार भईरहेको छ । मृतक तीनै जनाको पहिचान खुल्न भने सकेको छैन ।
Photo Source :Laghuwa jorte Palpa
