दार्चुला, २२ साउन । दार्चुलाबाट लागुऔषध चरेशसहित दुईजना पक्राउ परेका छन् ।
दार्चुलाको शैल्यशिखर नगरपालिका ३ कर्कलेबाट ६ किलो १ सय ग्राम चरेशसहित दुई जना पक्राउ परेका हुन्
पक्राउ पर्नेमा महाकाली न पा ४ का ६६ बर्षीय मानसिंह ठगुन्ना र नौगाड गा पा ४ सिप्टीका ७० बर्षीय गौरसिंह ठगुन्ना रहेका छन्।
इलाका प्रहरी कार्यालय गोकुलेश्वरबाट खटिएको प्रहरी गस्ती टोलीले दुवै जनालाई सोमबार पक्राउ गरेको जिल्ला प्रहरी कार्यालय दार्चुला ले जानकारी दिएको छ ।
प्रहरी टोलीले शंका लागि चेकजाँच गर्दा दुवै जनाले बोकेको झोलामा प्लास्टिकभित्र बेरेर राखेको अवस्थामा चरेश बरामद गरेको जिल्ला प्रहरी कार्यालय दार्चुला ले जानकारी दिएको छ ।
पक्राउ परेका दुवैजनामाथि थप अनुसन्धान भइरहेको प्रहरीले जानकारी दिएको छ ।
